Малашне Чăваш Республикинче ятарлă çар операцине хутшăнакан мĕнпур çын, вăл контракта ăçта пуснине пăхмасăрах, пурăнмалли çурт-йĕр условийĕсене лайăхлатма патшалăх пулăшăвĕсемпе усă курма пултарать. Енчен те çын республикăра учетра тăрать пулсан, контракта ытти регионсенче пуснă пулин те, çавăн пекех унăн çемйин членĕсем те, çăмăллăхлă ипотека программипе усă курма пултараççĕ. Вĕсене пĕрремĕш тÿлеве хывма пĕр хутчен паракан укçа-тенкĕпе тивĕçтереççĕ. Вăл çурт хакĕн 20 проценчĕпе танлашать. Çавăн пекех ытти çăмăллăхсем те пур.