ЧР Пуçлăхĕ Олег Николаев хушнипе регионта коррупцие хирĕçле çутĕç ĕçне йĕркелеме программа хута ярĕç. 2025-мĕш тата ун хыççăнхи çулсем валли программăна республика Пуçлăхĕн коррупцие хирĕçле ыйтусемпе ĕçлекен Управленийĕ хатĕрлет. Çак Управлениех Чăваш Енри ĕç тăвакан органсем коррупцие хирĕçле мĕнле мерăсем йышăннине сăнаса тăрать. Программа шайĕнче коррупци тĕслĕхĕсем пирки массăллă информаци хатĕрĕсенче çутатмалла, çынсене саккунсем пирки ытларах ăнлантармалла.