Чăваш Республикин Халăха ĕçпе тивĕçтерекен центрăн Вăрмарти пайĕнчен пĕлтернĕ тăрăх, 2024 çулта пĕтĕмпе иккĕмĕш тата виççĕмĕш ушкăнри 13 инвалид ĕç шыраса пынă, вĕсенчен 12-не ĕç вырăнĕпе тивĕçтернĕ пулнă. Пĕр сусăра ĕçпе тивĕçтерекен центр урлă хуралçăна вĕрентсе кăларнă. Çавăн пекех ĕç шыраса пынă инвалидсем хушшинче ятарлă çар операцине хутшăннă 1 участник те пулнă, каярах вăл тепĕр хут контракт алă пусса СВО-на тухса кайнă.
Хальхи вăхăтра халăха ĕçпе тивĕçтерекен центрăн Вăрмарти пайĕнче пĕр сусăр çын та учетра çук-ха.
