Январь вĕçĕнче Шупашкар хулинче фитнес-аэробика енĕпе харăсах темиçе спорт мероприятийĕ иртрĕ. Ку вăл: Чăваш Республикин Чемпионачĕ тата мала тухмалли ăмăртăвĕсем, ЧР Фитнес-аэробика федерацийĕн «Пирĕн самана паттăрĕсем» ăмăртăвĕсем, республика шайĕнчи «Çĕнĕ ăру» фестиваль. А.Ф.Федоров ячĕллĕ Вăрмарти спорт шкулĕн воспитанникĕсем те вĕсенчен айккинчеюлмарĕç, пысăк çитĕнÿсемпе палăрчĕç. 10-13 çулсенчи ачасем хушшинче степ- аэробика енĕпе иртнĕ ăмăртусенче пирĕн «Чĕре çемми» /«Ритм сердца»\ команда 2-мĕш вырăна тухрĕ. Командăра: Алиса Андреева, Екатерина Иванова, Серафима Сергеева. 5-7 çулсенчи ачасем хушшинче вара вăрмарсем 1-мĕш вырăна тивĕçрĕç. Командăра: Стефания Григорьева, Александра Васильева, Ксения Левина, Тимофей Левин.
Надежда ДАВЫДОВА,
фитнес-аэробика уйрăмĕн тренерĕ
