Мартăн 25-мĕшĕнче Вăрмар округĕнчен ятарлă çар операцине хутшăнакан салтаксем патне гуманитари пулăшăвĕн черетлĕ партине ăсатнă.
Канаш епархийĕн V благочиннăй округĕн благочиннăйĕ, Тихвински Турамăш турăшĕ ячĕллĕ Мăнçырмари чиркÿ настоятелĕ Леонид Ермолаев протоиерей молебен ирттернĕ тата гуманитари тиевĕллĕ автомашинăна Турă шывĕ сапса сăвапланă, аякри çула тухма пил панă.
Волонтерсем саперсем валли автозапчаçсем тата DJI Mavic 3 квадрокоптерсем çитерсе парĕç, госпитальсене тÿшек-минтер çиттисем, наçилккасем, подгузниксем, çăвăнса тасалмалли хатĕрсем парса хăварĕç.
