Республикăра антитеррор вĕренĕвĕ иртнĕ. Планпа пăхнă «Технологи» командăпа штаб вĕренĕвне Чăваш Республикин Оперативлă штабĕ ирттернĕ.
Тĕллев — электротехника промышленноçĕн объекчĕсенчен пĕринчи террор актне сирсе ярасси. Вĕренÿре ведомствăсем çивĕч лару-тăрура пĕр-пĕринпе тачă çыхăну тытассипе, унта явăçтарнă вăйсен хатĕрлĕхне тĕрĕслессипе çыхăннă ыйтусене тĕпе хунă.
Мероприятие Федерацин хăрушсăрлăх службин республикăри управленийĕн, Шалти ĕçсен министерствин, Росгварди, патшалăх влаçĕн тата вырăнти хăй тытăмлăх органĕсен представителĕсем хутшăннă.
