«Пилĕк çулта 62 километр ытла автомобиль çулĕ тунă тата тĕпрен çĕнетнĕ, 2 пин те 400 километр çула, 19 кĕпере юсанă, ялсенчи 85 километр çула çутăпа тивĕçтернĕ, — тенĕ Чăваш Республикин Пуçлăхĕ Олег Николаев ЧР Патшалăх Канашне 2025 çулта янă Çырăвĕнче. — Кăçал тата çитес çулсенче те çак ĕçе малалла тăсăпăр».
Кăçал Чăваш Енри çул-йĕр ĕçченĕсем çулсене вĕри асфальтпа юсассине мартăн 13-мĕшĕнчен тытăннă. Çул-йĕр предприятийĕсем асфальтпа бетон завочĕсене хута янă. Хальхи вăхăт тĕлне шăтăк-путăклă çулсене 13 пин тăваткал метр юсанă /пĕлтĕрхи çак вăхăтрипе танлаштарсан 3 хут ытларах/. Подрядлă организацисене шăтăк-путăклă çулсене юсас ĕçе майăн 1-мĕшĕччен вĕçлеме хушнă.
