Вăрмарти халăха социаллă пулăшу кÿрекен комплекслă центрăн Çемье центрĕнче йывăр лару-тăрури çемьесем тата психолог тĕл пулса калаçассине йĕркеленĕ.
Черетлĕ тĕлпулура ачасен тата ашшĕ-амăшĕсен прависене сÿтсе явнă. Амăшĕсене Раççей законодательствинче палăртнă вĕсен прависем тата çул çитмен ачасен прависем пирки каласа панă. Енчен те ашшĕ-амăшĕ ачисен пурнăçĕпе сывлăхĕшĕн хăрушлăх кăларса тăратаççĕ пулсан, вĕсене ашшĕ-амăшĕн прависĕр те хăварма пултараççĕ. «Хисеплĕ ашшĕ-амăшĕсем, сирĕн ачăрсене патшалăх хÿтĕлет. Вĕсене телейлĕ ачалăх парнелĕр, вĕсен прависем пирки ан манăр, саккуна пăхăнакан граждансем пулса çитĕнме пулăшăр», — тенĕ специалист.
