Санитари авиацийĕн вертолечĕ пациентсене илме республикăн аякри округĕсене те çитсе килме хатĕр тăрать. Авиаци ĕçĕсене пурнăçлама контракт пуснă. Васкавлă медицина пулăшăвĕн авиамедицина бригадисене вĕрентсе хатĕрленĕ, вĕсем графикпе килĕшÿллĕн талăкĕпех ĕçлеççĕ.
Чăваш Ен Пуçлăхĕ Олег Николаев ЧР Патшалăх Канашне янă Çырăвĕнче палăртнă тăрăх, регионта санитари авиацийĕпе усă курса 400-е яхăн çынна çăлнă. Республика Пуçлăхĕ хушнипе санитари авиацийĕн ĕçне республика бюджечĕн укçи-тенкипе тивĕçтерсе тăмалла. Çавăн пекех федераци бюджетĕнчен те укçа-тенкĕ уйăраççĕ.
