Вăрмар округĕ ятарлă çар операцине хутшăнакан салтак-ентешĕмĕрсем патне гуманитари пулăшăвĕ ăсатсах тăрать. Иртнĕ кунсенче те, акă, Вăрмарти благочининчен СВОри çар служащийĕсем патне гуманитари пулăшăвĕн черетлĕ партине ăсатнă.
Канаш епархийĕн V-мĕш /Вăрмарти\ благочиннăй округĕн благочиннăйĕ, Тихвински Турамăш турăшĕ ячĕллĕ Мăнçырмари чиркÿ настоятелĕ Леонид Ермолаев протоиерей кĕлĕ вуланă, гуманитари тиевĕллĕ автомашинăна Турă шывĕ сапса сăвапланă.
Салтаксем ыйтса янă кирлĕ япаласене — электромотоциклсене, маскировка сечĕсене тата ыттине те — волонтерсем фронта илсе çитернĕ.
Ирина ДАНИЛОВА
