2025 çулхи март уйăхĕнчен Правительство ял ипотекине парас йĕркене улшăнусем кĕртнĕ.
Маларах çăмăллăх кредитне кăмăл тăвакансем пурте илме пултарнă. Халĕ вара икĕ категори çеç тивĕçет:
Ял специалисчĕсем:
• АПК ĕçченĕсем /фермерсем, ветеринарсем, ял хуçалăх предприятийĕн ĕçченĕсем\.
• Муниципалитет служащийĕсем.
• Тухтăрсем, вĕрентекенсем, культурăпа социаллă хÿтлĕх ĕçченĕсем.
• Ял хуçалăх сферинчи предпринимательсем.
СВОна хутшăнакансем тата вĕсен çемйисем:
• Çар çыннисем — ятарлă çар операцине хутшăнакансем.
• Вĕсен мăшăрĕсем.
• Тăлăха юлнă мăшăрĕсем /тепĕр хутчен мăшăрланман пулсан\.
Çурт-йĕре ăçта туянма пулать?
Программăна маларах 30 пин çынран нумай мар пурăнакан поселоксене те кĕртнĕ. Халĕ списока регионсем хăйсем палăртаççĕ. Çак шута кĕреççĕ:
• Облаçри центрсенчен 50 км вырнаçнă поселоксем.
• Миллион çын пурăнакан хуласенчен 30 км вырнаçнă ял-поселоксем.
Финанс параметрĕсем тупăшлă юлнă:
• Ставка — 0,1 процентран пуçласа 3 процент таран.
• Малтанхи взнос — 20 процентран пуçласа.
• Чи пысăк сумма — 6 млн /çемье валли — 12 млн\.
Укçана ăçта тăкаклама юрать?
• Хатĕр çурт туянма /5 çултан кивĕ пулмалла мар, сутуçă уйрăм çын пулмалла\.
• Çурт тума.
• Участок туянма, каярахпа унта çурт çĕклеме.
• Сахал хутлă çуртра /5 хут таран\ хваттер туянма.
