Чулкасри тата Арапуçĕнчи территори пайĕсем хăйсен территорийĕсенче пурнăçланă ĕç-хĕл тăрăх чи лайăх кăтартусемпе палăрнă.
Чăваш Республикин Экономика аталанăвĕн тата пурлăх хутшăнăвĕсен министерстви округсен администрацийĕсен территори пайĕсен ĕçĕ-хĕлне, вĕсем пурнăçланă ĕçсене, тунă çитĕнÿсене, кăтартусене тишкерсе çĕнтерÿçĕсемпе призерсене палăртнă. Комиссие регионти 14 муниципаллă пĕрлешÿрен 48 заявка тăратнă, 10 округри 33 заявка 2-мĕш тапхăра куçнă.
Вăрмар муниципаллă округĕнчи территори пайĕсем те комисси суйлавĕ витĕр тухса призлă вырăнсене йышăннă.
1001-1500 çын пурăнакан ял тăрăхĕсем хушшинче Чулкасри территори пайĕ 3-мĕш вырăн йышăннă. Территори пайĕн начальникĕ — Георгий Васильевич Усков. Арапуçĕнчи территори пайĕ те 3-мĕш вырăна тухнă — 1001-3000 çын пурăнакан ял тăрăхĕсем хушшинче. Территори пайĕн начальникĕ — Евгений Михайлович Спиридонов.
Çĕнтерÿçĕсемпе призерсем Чăваш Республикин Министрсен Кабинечĕн Дипломĕсене тивĕçĕç.
Надежда ШИШКИНА
