ЧР Пуçлăхĕ Олег Николаев пуçарса янă «Хамăрăннисен вăхăчĕ» программа вăй илсех пырать. Программа участникĕсем — çĕршыв умĕнчи тивĕçне пурнăçланă ветерансем — влаç органĕсенче стажировка тухаççĕ, республика пурнăçне активлă хутшăнса хăйсен тÿпине хываççĕ, хăйсемшĕн çĕнĕ сферăсене алла илеççĕ.
Сăмахран, СВО ветеранĕ Андрей Удиков, ЧР культура министрĕ Светлана Каликова ертсе пынипе «Хамăрăннисен вăхăчĕ» программа шайĕнче культура учрежденийĕсенче стажировка тухаканскер, çак кунсенче Чăваш Республикинчи ачасемпе çамрăксен библиотекинче пулнă. Учреждени ĕçĕн тĕп енĕсемпе паллашнă, фондсем тата проектсен ĕçĕ-хĕлĕ пирки пĕлме пултарнă.
