Çĕнĕ вĕренÿ çулне хатĕрленсе Вăрмар округĕнче шкул автобусĕсен тĕрĕслевĕ иртнĕ.
Комиссинче округри вĕрентÿпе çамрăксен политикин пайĕн, çулçÿрев хăрушсăрлăхĕн патшалăх инспекцийĕн тата прокуратура представителĕсем пулнă. Вĕсем автобуссен юсавлăхне, çутă приборĕсем мĕнле ĕçленине, хăрушсăрлăх тытăмне, водительсен докуменчĕсене тĕплĕн тĕрĕсленĕ. Автобуссем ачасене илсе çÿреме пурте хатĕр тесе палăртнă. Водительсене çул-йĕр хăрушсăрлăхĕн правилисене çирĕп пăхăнмаллине аса илтернĕ. Çапла пулмасăр, ачасен хăрушсăрлăхĕ — малти вырăнта!
