Вăрмар округĕнче августăн 25-мĕшĕнчен пуçласа сентябрĕн 12-мĕшĕччен «Асăрханăр — ачасем!» анлă профилактика мероприятийĕ иртет. Унăн тĕллевĕ — çуллахи каникул хыççăн ачасене тата çитĕннĕ çынсене çулçÿрев хăрушсăрлăхĕн правилисем пирки аса илтересси.
Ашшĕ-амăшĕсен ачасене урамра тата çул çинче хăйсене тĕрĕс тытмаллине вĕрентсех тăмалла. Хăйсен те правилăсене пăхăнмалла, мĕншĕн тесен ачасем аслисенчен вĕренеççĕ. Талăкăн тĕттĕм вăхăтĕнче ачасен тумĕ çинче çутатакан япаласем пулмалла, çапла водительсем вĕсене аякранах асăрхама пултараççĕ.
Водительсен те тимлĕхе çухатмалла мар, хăвăртлăх режимне пăхăнмалла, çуран çын каçмалли вырăнсенче, çул тăваткалĕсенче, ача-пăча учрежденийĕсен çумĕнче асăрхануллă пулмалла. Ачасене автомашинăпа ятарлă хатĕрсем çине лартса илсе çÿремелле, хăрушсăрлăх ременĕпе çирĕплетмелле.
Асра тытăр: ачасен хăрушсăрлăхĕ — пирĕн пĕрлехи яваплăх! Вĕсен телейлĕ ачалăхĕ пирĕнтен пуринчен те килет.
РФ ШĔМĕн муниципалитетсем хушшинчи «Урмарский» уйрăмĕн çулçÿрев хăрушсăрлăхĕн патшалăх инспекцийĕн уйрăмĕ
