Вăрмар поселокĕнче пурăнакан Мария Ефимовна Авакова хăйĕн суйлав участокне — Вăрмар поселокĕнчи 1501 номерлĕ участока — ирхине-ирех килнĕ. 1940 çулта çуралнă вăл, ĕç ветеранĕ, вăрçă ачи. «Эпĕ кашни суйлава активлă хутшăнатăп. Пĕрне те сиктермен. Патшалăх пире, ахаль çынсене, яланах пулăшать, çавăнпа суйлавсенчен мĕнле юлăн-ха? Паян та хаваслă кăмăл-туйăмпа килтĕм суйлав участокне. Чăваш Ен малалла аталантăр, ăна ертсе пыракансене вăй-хал сунатăп, кунта пурăнакансем телейлĕ пулччăр», — тет Мария Ефимовна.
