Г.Е.Егоров ячĕллĕ Вăрмарти пĕтĕмĕшле пĕлÿ паракан вăтам шкулта вĕренекенсем «Агроинженери» направленипе пĕлÿ илме пултарĕç.
Шкул ачисем хальхи йышши оборудованипе усă курса вĕренĕç: интерактивлă комплекс, 3D-принтер тата 3D-сканер, электрон вĕрентÿ ресурсĕсем, контрольпе виçев инструменчĕсем, вĕрентÿ квадрокоптерĕн конструкторĕ.
Агроинженери вăрттăнлăхĕсене кăçалхи çул 40-е яхăн вĕренекен тĕпчесе пĕлĕ. Пĕтĕмĕшле республикăра кăçал 7 шкулта агротехнологи класĕсем уçăлĕç. Проект «Апат-çимĕç хăрушсăрлăхĕн технологи тивĕçтерĕвĕ» наци проекчĕн «Агропромышленноç комплексне — кадрсем» федераллă программи шайĕнче пурнăçланать.
