«Çемье» наци проекчĕ шайĕнче пурнăçланакан «Çемье хаклăхĕсем тата культура инфраструктури» федераллă проектпа килĕшÿллĕн çĕршывĕпех «Пушкин картти» программа ĕçлет.
Вăрмар округĕнче те анлă усă кураççĕ унпа. Çак карта хуçисем — районти шкулсенче вĕренекенсем иртнĕ кунсенче районти культура çуртĕнче «Çавал» ансамблĕн кăтартăвĕпе паллашрĕç. Çитĕнекен ăру Чăваш патшалăх филармонийĕн «Ÿссе тĕреклен, Чăваш Ен» концерт программине курса хавхаланчĕç.
Паянхи йышши вокал произведенийĕсем, илемлĕ костюмсем, кăмăла çĕклекен ташăсем пурне те килĕшнĕ паллах.
