Кивĕ Вăрмарта чылайранпа кĕтнĕ проект — 150 вырăнлăх çĕнĕ культура çурчĕн строительстви малалла пырать.
Паянхи кун культура çуртĕнчи шалта хăтлăх кĕртмелли ĕçсем вĕçленсе пынăпа пĕрех. Тулта территорие хăтлăх кĕртессипе тата инженери сечĕсем хурса хăварассипе активлă ĕçлеççĕ. Объектри ĕç йĕркипе Вăрмар муниципаллă округĕн пуçлăхĕн тивĕçĕсене вăхăтлăх пурнăçлаканĕ Иван Иванов тата округ пуçлăхĕн заместителĕ Наталья Иванова паллашнă.
Çак клуб ял çыннисене пĕр çĕре пуçтаракан чăн-чăн центр пулса тăрасса эпир шанса тăратпăр! Çывăх вăхăтра вăл уçăласса кĕтетпĕр.
