Раççей сывлăх сыхлавĕн министрĕ Михаил Мурашко Чăваш Республикин Пуçлăхĕпе Олег Николаевпа икĕ енлĕ тĕлпулу ирттернĕ. Ĕçлĕ калаçу вăхăтĕнче пĕрлехи ĕçĕн кăтартăвĕсене, планĕсене сÿтсе явнă, çак шутра сывлăх сыхлавĕнчи медицина пулăшăвĕн пахалăхне тата уççăнлăхне ÿстерме пулăшакан çĕнĕ масштаблă объектсен строительстви пирки те. Вĕсем «Вăрăм тата активлă пурнăç» çĕнĕ наци проекчĕ пурнăçланасси прогрессивлă пулнине палăртнă. Кăçал отрасль аталанăвне федераллă бюджетран 2,5 млрд, республика бюджетĕнчен 1,9 млрд тенкĕ уйăрнă.
Çавăн пекех республикăра 2024-2025 çулсенче «Сывлăх сыхлавĕ» наци проекчĕн мероприятийĕсене ăнăçлă пурнăçланине палăртнă. Çак тĕллевпе бюджетран 6,5 млрд тенкĕ уйăрнă пулнă. Республика наци проектне туллин пурнăçлама пултарнă.
«Отрасль аталанăвĕнче эпир амбициозлă тĕллевсем лартатпăр: медучрежденисене туллин çĕнетесси, онкоцентрсен, хĕрарăмсен консультацийĕсен, гериатри койкисен сетьне анлăлатасси. Санатори тата реабилитаци пулăшăвĕ çине тимлĕх уйăрăпăр, çак шутра çар ветеранĕсене пулăшасси çине те. Федераллă центрпа тачă çыхăнса ĕçлени Чăваш Республикинчи сывлăх сыхлавĕн ăнăçлă аталăнăвне пысăк тÿпе хывмалли никĕс. Михаил Альбертович Мурашкона пирĕн пуçарусене тимлĕх уйăрнăшăн, пулăшса пынăшăн тав тăватăп», - палăртнă Чăваш Республикин Пуçлăхĕ Олег Николаев.
ЧР ПА пресс-служби
