К.В. Иванов ячĕллĕ Чăваш патшалăх академи драма театрĕнче шкул театрĕсен «АСАМ» ятпа иртекен III-мĕш фестивалĕн çĕнтерÿçисене наградăлассипе савăнăçлă мероприяти иртнĕ. Кăçал фестивале Раççейри Тăван çĕршыв хÿтĕлевçин çулталăкне тата Чăваш Енри Çĕнтерÿпе патриотлăх çулталăкне халалланă.
Республикăри тапхăр ноябрĕн 11-25-мĕшĕсенче пулнă. Жюри — патшалăхăн культура учрежденийĕсен представителĕсем тата сценăн тава тивĕçлĕ ĕçченĕсем — чи лайăх 32 постановкăна хак парса çĕнтерÿçĕсене тĕрлĕ номинацисенче палăртнă.
Чыслав мероприятине Вăрмар муниципаллă округĕн çамрăк артисчĕсем те — фестивалĕн муниципалитетри çĕнтерÿçисем, Г.Е. Егоров ячĕллĕ Вăрмарти вăтам шкул çумĕнчи «Мельпомена» театрăн членĕсем — хутшăннă (сăн ÿкерчĕк çинче). Шкул театрĕн руководителĕ — вырăс чĕлхипе литературин вĕрентекенĕ Елена Ларионова. Аса илтеретпĕр, 2024 çулта, «АСАМ» II-мĕш фестивалĕн республикăри тапхăрĕнче, Елена Ильинична «Чи лайăх режиссер ĕçĕ»номинацинче çĕнтернĕ пулнă.
Людмила ИВАНОВА, Вăрмарти ача-пăча пултарулăх çурчĕн методисчĕ
