Выльăх-чĕрлĕхе хĕл каçарасси — яваплă та пĕлтерĕшлĕ вăхăт. Çулла çине тăрса ĕçлесен, выльăх апачĕ çителĕклĕ хатĕрлесен, паллах, кулянмалли çук. Тикашри «Иванов Н.А.» хуçалăхĕнче, пĕлетпĕр ĕнтĕ, тĕш-тырă тата тĕрлĕ ÿсентăран культурисем çитĕнтернисĕр пуçне вăкăрсем тытаççĕ. Паянхи кун фермăра 90 пуç хура-шурă тĕслĕ вăкăр хĕл каçать. Утă-улăмпа, сенаж—фуражпа апатлантараççĕ çамрăк вăкăрсене. Шыв ĕçтерессине автоматизациленĕ. Вăкăрсем фермăра кăкарăнмасăрах тăраççĕ. Вĕсене пулса çитиччен тата çулталăк усрамалла-ха. Хуçалăх пуçлăхĕ Николай Анатольевич хуçалăхра ывăлĕсемпе пĕрле тăрăшать.
