Чăваш Енре ачаллă çемьесем «Çемье» наци проекчĕпе килĕшÿллĕн çĕнĕ тÿлевсем илме пултараççĕ.
Республикăра ача çуратаслăхне ÿстерессипе тата нумай ачаллă çемьесене пулăшассипе регион программи ĕçлет. Çак мерăсем «Çемье» наци проекчĕн «Нумай ачаллă çемье» федераллă проекчĕ шайĕнче пурнăçланаççĕ.
Çемьесем 3 тĕрлĕ тÿлев илме пултараççĕ. Ача колледжра е аслă вĕрентÿ учрежденийĕнче вĕреннĕшĕн тÿленĕ хакĕн 50 процентне компенсацилеççĕ. Куçăн майпа вĕренекен ача кĕтекен студенткăсене 100 пин тенкĕлĕх тÿлев параççĕ. Çавăн пекех виççĕмĕш е ун хыççăнхи çуралакан ачасемшĕн 300 пин тенкĕ параççĕ.
Эвелина МИХАЙЛОВА хатĕрленĕ
