Ятарлă çар операцине хутшăнакансен ачисене Вăрмарти халăха социаллă пулăшу кÿрекен комплекслă центрта Çĕнĕ çулхи уявсем умĕн пылак парнесем тата Чăваш Республикин Пуçлăхĕнчен Олег Николаевран саламлă открыткăсем панă.
Ачасене парнесем панă май Центр специалисчĕсем кашнине савăнăçлă кăмăл-туйăм, çирĕп сывлăх, вĕренÿре çитĕнÿсем, вĕсен амăшĕсене вара хăйсен мăшăрĕсемпе часрах тĕл пулма, мирлĕ пурнăçпа пурăнма суннă.
«Çĕнĕ çул кашни киле, кашни çемьене телей, савăнăç, сывлăх, мир, ырăлăхпа тăнăçлăх илсе килтĕр», — тенĕ Вăрмарти халăха социаллă пулăшу кÿрекен комплекслă центрăн директорĕ Жанна Дмитриева.
Надежда СКВОРЦОВА, васкавлă социаллă пулăшупа тивĕçтерекен уйрăм заведующийĕ
