«Çемье» наци проекчĕпе килĕшÿллĕн Вăрмарти халăха социаллă пулăшу кÿрекен комплекслă центрĕнчи çул çитмен ачасемпе ĕçлекен диагностика тата социаллă реабилитаци уйрăмĕнче ачасем валли «Сывă пурнăç йĕркин тĕнчине илсе каякан илĕртÿллĕ çул-çÿрев» ятпа физкультура енĕпе мероприяти иртнĕ. Унăн тĕллевĕ - ачасене сывă пурнăç йĕркипе, физкультурăпа çывăхрах пулма вĕрентесси.
Хĕлле - çулталăкри илемлĕ вăхăт. Сивĕ хĕл сывлăшĕпе сывласа киленме, юр кÿлеписем туса выляма пулать. Хĕллехи уçă сывлăшра выляса ачасем хăйсем пуçарулăх кăтартма пултарчĕç, хăйсене килĕшекен вăйăсем вылярĕç. Хаваслă кăмăл-туйăмпа вĕсем чупрĕç, сикрĕç, вылярĕç!
Уçă сывлăшра иртнĕ хĕллехи вăйăсем мероприятие хутшăннă пур участнике те çĕкленÿллĕ кăмăл-туйăм, вăй-хал, савăнăç парнелерĕç
