Чăваш Ен влаçĕсем обществăлла транспорта çĕнетсех пыраççĕ. Республикăра 2026-2028 çулсенче 118 çĕнĕ автобус çул çине тухĕ. Программа «Единая Россия» парти пулăшнипе «Хăрушлăхсăр çулсем» проект шайĕнче пурнăçланать.
Автобуссем туянма федераци паракан субсидисем пулăшĕç, регионти бюджетран та укçа-тенкĕ уйăрĕç.
«Эпĕ регион руководителĕ пулнă май, манăн задача — Чăваш Енре пурăнакансене хăтлă тата хăрушлăхсăр обществăлла транспортпа тивĕçтересси. Ку задачăна тапхăрăн-тапхăрăн пурнăçласа пыратпăр. Экологиллĕ электротранспортпа усă курасси те тимлĕхре. 2020 çултанпа 200 ытла троллейбус туянтăмăр. 2030 çулччен тата 133 туянма планлатпăр. Вĕсенчен пиллĕкĕшĕ 2026 çултах маршрут çине тухĕç, тепĕр пиллĕкĕшĕ — 2027 çулта. Пĕтĕмпех — республика бюджечĕн шучĕпе. Çак утăмсене пĕр тĕллевпе пурнăçлатпăр — Шупашкар агломерацийĕнче транспортпа çÿреме хăтлă пултăр, транспорт сферинче ĕçлекенсен расхучĕсем чакчăр», — палăртнă Чăваш Ен Пуçлăхĕ Олег Николаев.
