Ĕçлĕ эрне Вăрмар округĕнче савăнăçлă самантпа пуçланчĕ. Вăрмар муниципаллă округĕн пуçлăхĕ Василий Шигильдеев округри çамрăк çемьесене çурт-йĕр сертификачĕсем пачĕ. Асăннă документ пурăнмалли çурт-йĕр туянас е уйрăм çурт строительствине пурнăçлас тĕллевпе социаллă пулăшу илме ирĕк парать. Çурт-йĕр сертификачĕсене Викторов­сен, Прокопьевсен, Агаевсен, Игнатьевсен тата Павловсен çемйисем тивĕçрĕç. Василий Викторович çамрăк çемьесене саламларĕ, çирĕп сывлăхлă, телейлĕ пулма, килĕшÿре тата ăнланура пурăнма сунчĕ, вĕсен килĕсенче яланах ача-пăчан хаваслă сасси янăрасса шаннине палăртрĕ.

Добавить комментарий