Вăрмар округĕн администрацийĕнче çурхи шыв-шура хирĕç кĕрешессипе ĕçлекен комиссин ларăвĕ иртрĕ. Кăçалхи çуркунне юр нихăçанхинчен ытларах пулнă май хăш-пĕр территорисене шыв илес хăрушлăх пур. Çак ыйтăва контрольте тытма, хăрушлăхран асăрханма тивĕçлĕ мерăсем йышăнса хатĕр пулассине сÿтсе явма Вăрмар округĕн пуçлăхĕ Василий Шигильдеев территори пайĕсен, предприяти-организацисен руководителĕсене, район, республика шайĕнчи çулсене пăхса тăрассипе ĕçлекен «Ликта», «Стройтек» организацисен ертÿçисене канашлăва пуçтарчĕ. Вăл кашни территори пайĕнче лару-тăру еплерех пулнипе интересленчĕ, йывăрлăх пулма пултаракан хăш-пĕр территорисене çитсе курма шантарчĕ. Пур çĕрте те шыв пăрăхĕсене юртан тасатса шыв юхса тухмалли майсем тумалла. Ял халăхĕн те кил-хуçалăхĕсенче, урамсенче шыва юхтарса ямалли канавсем чавмалла
