Ятарлă çар операцийĕ
Пуçтарчĕ тĕрлĕ нацие.
Чун-чĕре пит кулянать,
Сăлтав, паллах, тупăнать.
Тĕрлĕ шухăшсем пуçра
Вылянаççĕ кун-каçа.
Ĕмĕр кĕске пурнăçра —
Пулăпăр-ши канăçра?
Пĕтĕм халăх тăрăшать
Салтаксене пулăшма.
Тĕрлĕ майлă ăсталать
Тетелне хÿтлĕх пама.
Çутатма та ăшăтма
Çуртасем ăсталама,
Ĕç хатĕрĕ туянма
Нухрат тивет пуçтарма.
Пĕрене, хăма, пăта
Кирлĕ вĕсене тата.
Блиндажпа окоп — хÿтлĕх,
Йĕпхÿрен кăштах канлĕх.
Çичĕ юта çĕнтерме
Тем те кирлĕ çав çумра.
Пуçа йывăр çĕклеме,
Алхасать «çăхан» умра.
Кĕмĕл ÿсĕмри çынсем —
Хастар тыл ĕçченĕсем
Пĕр тĕвве чăмăртаннă,
Пулăшма сăмах панă.
Хуларан та килнисем
Айккине юлман тăрса.
Канмалли кун ачасем
Пулăшаççĕ тăрăшса.
Çак ĕçе йĕркеленĕ
Хастар Вăрмар пикисем.
Халăха та вĕрентнĕ
Çыхма сыхлав тетелсем.
Кирлĕ çав тери вĕсем
Упрама салтаксене.
Аякран вĕçсе килеççĕ
Ăшă тав çырăвĕсем.
Тăван çĕре упрама
Патшалăх тĕллев лартать.
Çĕнтерĕве çывхартма
Турра халăх кĕл тăвать.
Вăрмар поселокĕ
