«Вăрмар-Аквапром» ФК» ача-пăча команди /ун йышĕнче — 2013 çулхи çамрăк спортсменсем/ пысăк çитĕнÿпе палăрнă. Аслисен команди пекех ăмăртусене ăнăçуллă хутшăннă — Чăваш Республикин Наци Мини-футбол лигинче 2013-2014 çулсенчи ачасем хушшинче çĕнтерÿçĕ пулса тăнă.
Финал вăййинче пирĕн команда Шупашкар хулинчи «Спартак» командăпа тĕл пулнă, 3:2 шутпа çĕнтерсе мала тухнă. Çавăн пекех чи пултаруллă вăйăçăсене тĕрлĕ номинацинче наградăланă, вĕсен хушшинче пирĕннисем те пулнă. «Матчăн чи лайăх вăйăçи» ята Арсений Петров, «Турнирăн чи лайăх вăйăçи» ята команда капитанĕ Степан Максимов тивĕçнĕ.
Павел ТЕПЛОВ, команда тренерĕ
