Вăрмар муниципаллă округĕн пуçлăхĕ Василий Шигильдеев территорисен пайĕсен начальникĕсемпе, предприятисемпе организацисен пуçлăхĕсемпе тунтикунсерен ирттерекен анлă ларăва хальхинче паллă самантран пуçларĕ. Василий Викторович Вăрмар округĕн депутачĕсен Пухăвĕн председателĕпе Юрий Ивановпа пĕрле Çĕнĕ Мăнтăрти Крыловсен çемйине хваттер уççи пачĕ. Николай Крылов асăннă хваттере «Обеспечение жилыми помещениями детей-сирот, оставшихся без попечения родителей, лиц из числа детей-сирот и детей, оставшихся без попечения родителей» федераллă программăпа килĕшÿллĕн тивĕçнĕ. Çемье пуçлăхĕ хальхи вăхăтра ятарлă çар операцийĕнче тăван çĕршыва хÿтĕлет. Вăрмар муниципаллă округĕн пуçлăхĕ Василий Шигильдеев чаплă лару-тăрура хваттер уççине Николай Крыловăн мăшăрне Кристина Сергеевнăна пачĕ, çирĕп сывлăх, çутă малашлăх сунчĕ.
Надежда Шишкина
