Чăваш Ен Пуçлăхĕ Олег Николаев черетлĕ «тÿрĕ лини» ирттерĕ. Вăл апрель уйăхĕн 22-мĕшĕнче пулĕ, 11 сехетре пуçланĕ.
«Республика аталанăвĕ тата малашнехи плансем пирки калаçăпăр. Чи кирли — сирĕн ыйтусене хуравлăп. Мĕн хумхантарнине тĕплĕн сÿтсе явăпăр. Пĕр ыйту та тимлĕхсĕр юлмĕ», - палăртнă Олег Николаев МАХ мессенджерти хăйĕн каналĕнче.
Ыйтусене маларах Патшалăхăн пулăшу ĕçĕсен порталĕ урлă яма юрать. Эфир иртнĕ кун вара трансляци чатне çырма е 8/8352\ 565-100 номерпе шăнкăравласа ыйтма май пулĕ.
Тÿрĕ эфирта «Контактра» социаллă сетьре «Чăваш Республики» ушкăнра, Чăваш наци телекуравĕн тата ЮТВ эфирĕнче курма, çавăн пекех Наци радиовĕпе итлеме пулĕ. Унсăр пуçне МАХ мессенджерти «Хыпар—Вести Чувашии» каналта, Чувашинформ лапамĕнче «тÿрĕ линире» хускатнă çивĕч ыйтусем çинчен çав самантрах пĕлтерсе тăрĕç.
