«Восславим женщину» республикăри V фестиваль отрасльсенчи хĕрарăмсен канашĕсен 600 ытла представительне пĕрлештернĕ. Конкурссенче /визитка, дефиле, пултарулăх номерĕ\ вĕсем хăйсен таланчĕсемпе паллаштарнă. «Хĕрарăм — пирĕн обществăн чĕри тата двигателĕ. Эсир республика тата çĕршыв аталанăвне пысăк тÿпе хыватăр — çемйĕрсенче те, производствăра та, обществăлла пурнăçра та. Предприятисенчи хĕрарăмсен канашĕсем коллективсене пĕрлештереççĕ, пĕр-пĕрне пулăшаççĕ», — тенĕ ЧР Пуçлăхĕ О.Николаев.
Çак конкурс — «Единая Россия» партин хĕрарăмсен юхăмĕн флагман проекчĕсенчен пĕри. 4 çул хушшинче унта республикăри 22 пысăк предприятипе организацинче ĕçлекен хĕрарăмсем хутшăннă.
