Вăрмар округĕнче ĕçлĕ визитпа Раççей Федерацийĕн сенаторĕ Николай Владимиров пулчĕ. Ĕçлĕ çул-çÿрев тухăçлă та тулли иртрĕ. Вăрмар муниципаллă округĕнче вăл администраци коллективĕпе тĕл пулчĕ, муниципаллă служащисене хумхантаракан ыйтусем çине хуравларĕ. Николай Владимиров чылай ăшă тав сăмахĕсене те тивĕçрĕ, «Выбор сильных» партпроектăн кураторĕ пулнă май пирĕн округри самбо аталанăвне активлă пулăшса тăрать вăл. Спорт пуласлăхĕ — шанчăклă алăра.
Сенатор Вăрмар поселокĕнчи маскировка сеткисем çыхакансен коллективĕпе тĕл пулчĕ, сетка çыхакан волонтерсене салтаксене пулăшнăшăн тав туса Тав хучĕпе чысларĕ.
Николай Владимиров сенатор «Светлана» çĕвĕ предприятийĕнче те пулса курчĕ, кунти ĕç-хĕлпе паллашрĕ, сотрудниксен ыйтăвĕсем çине хуравларĕ.
Визит чăннипех те ĕçлĕ пулчĕ, тĕрлĕ ыйтусене те сÿтсе явнă, малашлăх плансене те палăртнă.
Надежда ШИШКИНА
