Патшалăх программи шайĕнче «Раççейри ĕç» кадрсен центрĕн Вăрмарти уйрăмĕ Мăнçырмари В.Д. Николаев ячĕллĕ вăтам шкул çумĕнчи лагерь воспитанникĕсем валли вăйă мелĕпе профориентаци мастер-класĕ йĕркеленĕ.
Карьера консультанчĕ Надежда Константиновна Иванова тĕлпулу вăхăтĕнче тĕрлĕ профессисем çинчен, пуласлăхра хăшĕсем ытларах кирлĕ пулассине каласа панă. Вăйă мелĕпе иртнĕ заняти вăхăтĕнче воспитанниксем тĕрлĕ специальноçсемпе паллашрĕç, тупмалли юмахсен тупсăмĕсене шырарĕç, çавăн пекех пулас профессине суйламалли методикăсемпе те паллашрĕç.
Вăйă формачĕпе иртнĕ мастер-класс пулас профессие суйласси кăсăклă та илĕртÿллĕ процесс пулнине кăтартрĕ. Çакăн пек пуçарусем ирттерни çитĕнекен ăрăва мĕн ачаранах çитĕннĕ пурнăçа хатĕрленме, професси çул-йĕрне тума май парать.
