Геннадий МАТВЕЕВ
Чыс, мухтав — «кĕмĕл» волонтерсем,
Ырă кăмăллă, çирĕп çынсем.
Чĕре хушнă тулли кăмăлпа
Çĕршыва пулăшаççĕ чунпа.
Тĕрлĕ енлĕ ĕç волонтерсен —
Экологи, культура енчен.
Е субботник чĕнет, кружоксем,
Пĕччен юлнă çынсем, ватăсем.
Салтаксем халь Украинăра
Çапăçаççĕ хăюллă, кăра.
Маскировка валли сеткăсем
Хатĕрлеç пирĕн волонтерсем.
Фронтпа тыл çывăх тăнă ялан —
Эпир вăйлă пĕрле пулнăран.
Мирлĕ пурнăç кĕтет çут тĕнче,
Çĕнтерÿ пулĕ пирĕн енче.
Чыс, мухтав — «кĕмĕл» волонтерсем,
Пултаруллă, сăваплă çынсем.
