«Раççейри ĕç» кадрсен Вăрмарти центрĕнче «Вăрмарти ĕçлĕ аннесем» хĕрарăмсен клубĕн ларăвĕ иртнĕ. Çак мероприяти вăхăтĕнче хĕрарăмсем тĕр­лĕ професси сферин çыннисемпе тĕл пулса хăйсен тавракурăмне ÿстереççĕ, малашнехи пурнăçра кирлĕ пулма пултаракан çынсемпе паллашаççĕ, çавăн пекех психологи пулăшăвне илме пултараççĕ, йывăр лару-тăрура харпăр хăйне мĕнлерех пулăшма май пуррине вĕренеççĕ. Хĕрарăмсен клубĕн черетлĕ ларăвĕнче харпăр хăй çине ĕçлекен Татьяна Миронова та пулчĕ, хă­йĕн ĕçĕ-хĕлĕпе паллаштарчĕ. Вăл ĕçпе тивĕçтерекен служба направленийĕпе «Гид-экскурсовод» специальноçне илнĕ, халĕ унăн туризм енĕпе çыхăннă хăйĕн бизнесĕ.

Добавить комментарий