Çак кунсенче «Физкультурăпа спорт аталанăвĕ» патшалăх программи шайĕнче Анапа хулинче çак хулари «Волейбол Федерацийĕ» обществăлла организацин Кубокĕ иртнĕ. Ăмăртусенче 2011-2012 çулсенчи хĕрсем тупăшнă.
Спорт мероприятине А.Ф. Федоров ячĕллĕ Вăрмарти спорт шкулĕн волейбол уйрăмĕн пултаруллă воспитанникĕсем те — «Урмарочка» команда — хутшăннă. Команда тренерĕ — Александра Теплова.
Раççейĕн тĕрлĕ кĕтесĕнчи волейболистсем чи лайăххисен ятне илме çичĕ кун хушши тупăшнă. «Урмарочка» команда вĕсене парăнман, çивĕч ăмăртура 3-мĕш вырăна тухса бронзăна тивĕçнĕ. Командăри Татьяна Николаева вара «Чи лайăх вăйăçă» ята илнĕ.
