Вăтакас ялĕнче «Шанăç çăлĕ» çăлкуç пур. «Шыв — пурнăç çăлкуçĕ» программа шайĕнче Николаевсен çемйин ачисем /ÿкерчĕкре\ çăл йĕри-таври территорине хăтлăх кĕртрĕç. Вĕсем яланах çăлкуç вырăнне тасалăхра тытаççĕ.
Çавăн пекех Вăтакасра иртнĕ кунсенче ЧР Пуçлăхĕн Олег Николаевăн «Чăваш Енри хаваслă çу кунĕсем» проекчĕ шайĕнче «Çуллахи кĕвĕсем» концерт программипе автоклуб та пулчĕ. Программăра Раççей, Тăван çĕршыв, юрату темипе тĕрлĕ композицисем янăрарĕç. «Парне» халăх фольклор ансамблĕ, Ирина Трифонова, Марина Николаева, Владимир Михайлов илемлĕ кĕвĕ-юрăсем шăрантарса Вăтакас ял халăхне çĕкленÿллĕ кăмăл-туйăм парнелерĕç.
Ирина ТРИФОНОВА, Вăрмарти культура çурчĕ çумĕнчи халăх театрĕн режиссерĕ
