Тикаш ял тăрăхне кĕрекен Çĕнĕ Вĕренер ялĕнче хăтлăх кĕртес ĕçсен тĕп пайĕ вĕçленнĕ — Мичурин урамĕнчи çул участокне вак чул сарса пĕтернĕ. Подрядлă организаци — Руслан Сергеевич Салеев ертсе пыракан «Спецстрой» тулли мар яваплă общество.
Объектăн техника параметрĕсем: çĕнетнĕ çул участокĕн тăршшĕ — 226 метр, сарлакăшĕ 3 метр. Çак проект шайĕнчех 539 миллиметрлă тата 6 метр тăршшĕллĕ шыв кăларакан пăрăх та вырнаçтарнă. Ĕçсене ЧР Пуçлăхĕ Олег Николаев пуçарса янă «Ниме — халăх бюджечĕ» программа шайĕнче пурнăçланă. Çула Вăрмар муниципаллă округĕн администрацийĕн ятарлă комиссийĕ тата ял çыннисен пуçарулăх ушкăнĕн представителĕсем пĕрле тĕрĕслесе йышăнчĕç.
Ялти тата тепĕр çул иккĕмĕш пурнăç илчĕ. Малашне çуран е автомашинăпа çÿреме те меллĕрех пулĕ.
Валерий НАРСОВ, Тикашри территори пайĕн начальникĕ
