Кĕлкеш ял тăрăхне кĕрекен Тупах ялĕнче пушар хăрушсăрлăхĕпе тивĕçтерессипе çыхăннă проекта пурнăçласси вĕçнелле пырать.
ЧР Пуçлăхĕ Олег Николаев пуçарнă «Ниме - халăх бюджечĕ» программăпа пушар хăрушсăрлăхне тивĕçтермелли пĕвене модернизацилесе пĕтернĕпе пĕрех. «АС 21» тулли мар яваплă общество пĕвене тарăнлатнă, резервуарне тасатнă, çирĕплетекен дамба хăпартса лартнă. Хальхи вăхăтра специалистсем таврари территорине хăтлăлатаççĕ. Çĕнетнĕ пĕве ял халăхĕн хăрушсăрлăхĕн шайне самай ÿстерме май парĕ. Пушар машинисем вут-çулăм тухас пулсан пĕр чăрмавсăр кирлĕ чухлĕ шыв илме пултарĕç.
