Çуркунне — илемлĕ вăхăт. Çутçанталăк вăрăм хĕл хыççăн вăранса чĕрĕлет, кайăксем юрăсем шăрантараççĕ, ешĕл курăкпа тĕрлĕ тĕслĕ чечексем куçа илĕртеççĕ, анчах вĕсемпе пĕрлех юр айĕнчен ăпăр-тапăр, çÿп-çап, пĕлтĕрхи хыт-хура тухаççĕ. Çавăнпа тавралăха тасатса тирпейлесси кашнин тивĕçĕ шутланать. Пирĕн районта, çав шутра Вăрмар поселокĕнче те, уйрăм кил хуçалăхĕсен хуçисем кăна мар, тĕрлĕ учрежденисемпе организацисен, предприятисен ĕçченĕсем çак кунсенче тирпей-илем кĕртес тĕлĕшпе тăрăшса вăй хураççĕ. Районти «Хĕрлĕ ялав» хаçат редакцийĕнче ĕçлекенсем те ыттисенчен юлмасăр редакци территорине тирпейлерĕç, картишне, сад-пахчана кĕреплесе, шăпăрпа шăлса тасатрĕç, ăпăр-тапăра пуçтарчĕç. Пĕрле туслăн ĕçлесен ĕçĕ те хăвăрт пулать, нумай та вăхăт иртмерĕ — йĕри-тавра тирпей-илем хуçланма пуçларĕ. Пăхма кăмăллă!

Добавить комментарий