А.АРТЕМЬЕВ, механизатор: «Раççей Федерацийĕн Конституцине кĕртме палăртнă тÿрлетÿсем хушшинче чи пĕлтерĕшлисенчен пĕри ĕç çыннин ĕçне хисеплессипе, унăн ирĕкĕсене хÿтĕлессипе çыхăннă. Çак тÿрлетÿсене эпĕ хапăл тусах йышăнатăп. Атте-анне мана ачаранах ĕçе хăнăхтарса ÿстернĕ, ĕç хакне эпĕ аван пĕлетĕп. Ĕç çынни тар тăкнине тивĕçлипе хакламанран ĕнтĕ вĕсенчен нумайăшĕ йывăр лару-тăрура пурăнать, çавăнпа ĕç çыннин шалăвĕ пурăнмалли чи пĕчĕк виçерен сахалрах пулмалла мар тени тĕрĕс тесе шухăшлатăп. Çак виçе ÿссен вара шалу та пысăкланать».