Райадминистраци пуçлăхĕн тивĕçĕсене пурнăçлаканĕ Николай Анатольевич Павлов: «Чăваш Республикин 2020-2025 çулсенчи социаллă пурнăçĕпе эконмика аталанăвĕн Комплекслă программине сÿтсе явассипе иртнĕ Экономикăн аслă канашĕнче чи çивĕч ыйтусене сÿтсе яврĕç. Ăна РФ Патшалăх Думин депутачĕ, финанс рынокĕ енĕпе ĕçлекен Комитет председателĕ А.Аксаков ертсе пычĕ. Пирĕн республикăн социаллă пурнăçĕпе экономикине аталантармалли конкретлă ĕçсен планĕ пур. Ăна пурнăçлама пур вăйсене те пуçтармалла. Федераци шайĕнче Чăваш Ене укçа-тенкĕ тĕлĕшĕнчен пулăшма хатĕрри савăнтарать. Республика паянхи кун федерацин 52 тата 11 наци проектне хутшăнать. Экономикăн аслă канашĕнче Чăваш Республикин Пуçлăхĕн тивĕçĕсене вăхăтлăх пурнăçлакан О.Николаев ултă томран тăракан Комплекслă аталану программин тĕп шухăшне ăнланмалла тата татăклăн ăнлантарса пачĕ. Тĕп вырăнта — Чăваш Ен экономикине, агропромышленноç комплексне вăйлатасси, çынсен пурнăç шайне лайăхлатасси, çамрăксене аталанмалли условисем туса парасси, хăтлă хула тăрăхне йĕркелесси, пĕр сăмахпа каласан аталану çулĕпе пырас тесен пурнăçламалли тĕллевсем. Комплекслă аталану программине хатĕрленĕ ĕçлĕ ушкăн пĕр командăна пухăнса, пĕр шухăшлă пулса ĕçлени паллă. Пĕтĕмĕшле илсен программа çитменлĕхсене пĕтерсе республикăна аталану çулĕпе илсе пымалли задачăсене палăртать. Ăна хăйне майлă чĕрĕ организмпа та танлаштарма пулать. Вăрмар районĕнче кăçал Комплекслă программа шайĕнче социаллă пĕлтерĕшлĕ, агропромышленноç комплексĕн тата апат-çимĕç туса илессипе, ăна тирпейлессипе ĕçлекен предприятисене илсе пыракан çулсене тума пĕтĕмпе 11 проект хатĕрленĕ. Проектсене пурнăçа кĕртессипе малалла ЧР Транспортпа çул-йĕр хуçалăхĕн министерстви ĕçлет. Вăрмар район территорийĕнче вĕсем çитес çулсенче ăнăçлăн пурнăçланасса шанатпăр».

Добавить комментарий