Вăрмар район администрацийĕн кăçалхи апрелĕн 1-мĕшĕнчи «Вăрмар районĕнче 2021 çулта халăх пурăнакан вырăнсенче тавралăха тирпей-илем кĕртесссипе, санитарипе экологи субботникĕсем ирттерессипе икĕ уйăхлăх мероприятисем йĕркелессси» 329 номерлĕ йышăнă­вĕпе килĕшÿллĕн ятарласа комисси йĕркеленĕ. Тавралăха тирпей-илем кĕртессипе çыхăннă мероприятисен планĕпе килĕшÿллĕн районти предприятисемпе организацисен, уйрăм çын предпринимательсен, вак тата вăтам бизнеса аталантаракансен, Вăрмар хула, ял тăрăхĕсен хăйсен территорийĕсене тасалăхра тытса тăрассипе активлă ĕçлемелле. Çавна май кăçалхи апрелĕн 24-мĕшĕнче Пĕтĕм Раççейĕпех ятарласа субботник ирттерме палăртнă. Унта кашни çыннăн хутшăнмалла, хăйсем пурăнакан территорисене тирпей-илем, хăтлăх кĕртмелле. Мероприятисен планĕпе килĕшÿллĕн çак кун Вăрмар поселокĕнчи Ленин урамне, площаде, Вăрмарти Г.Е.Егоров ячĕллĕ вăтам шкул, «Илем» физкультурăпа спорт комплексĕн территорийĕсене, Вăрмарти культурăпа кану паркне тирпей-илем, хăтлăх кĕртме палăртаççĕ. Çавăн пекех çак кун районти предприятисемпе организацисенче ĕçлекенсем хăйсен территорийĕсенче экологи субботникĕсем иртте­рĕç.

Добавить комментарий