Энĕшпуç ялĕнче СССР спорт мастерĕсене — пĕртăван Геннадий Ивановичпа Юрий Иванович Ивановсене асăнса йĕлтĕрпе чупассипе республика шайĕнчи ăмăрту иртрĕ. Унта хамăр район спортсменĕсем, республикăри ытти районсенчен, юнашарти регионсенчен килнĕ йĕлтĕрçĕсем хутшăнчĕç.
Спорт мероприятийĕн торжествăлла пайĕ ялти шкул çурчĕ умĕнче пулчĕ. Пухăннисем умĕнче саламлă сăмахпа Вăрмар район пуçлăхĕ Ю.Иванов, райадминистраци пуçлăхĕ Д.Иванов, ЧР Патшалăх Канашĕн депутачĕсем Ю.Зорин тата Л.Пронин, Энĕшпуç ял тăрăхĕн пуçлăхĕ А.Яковлев, Вăрмарсен Шупашкарти ентешлĕхĕн вице-президенчĕ В.Нягин, спорт ветеранĕсен республикăри Канашĕн председателĕ В.Шоркин тата ыттисем те тухса калаçрĕç. Вĕсем пурне те спорт уявĕ ячĕпе саламласа ăнăçу сунчĕç.
Йĕлтĕрçĕсем çул ÿсĕмне кура черетпе чупрĕç. Çĕнтерÿçĕсен чыславĕ кашни финиш хыççăнах пулса пычĕ. Вĕсем грамотăсемпе медальсене, тĕрлĕ парнесене, сувенирсене тивĕçрĕç.
Тĕплĕнрех «Хĕрлĕ ялав» хаçатăн çитес номерĕнче вуласа пĕлме пулать.
{gallery}albums/2022/lyzhnya_Shorkistry{/gallery}
И.ДАНИЛОВА.
