Пирĕн районти Анаткас ялĕ кунта иртнĕ çул ТЕЛЕ2 операторăн вышкине лартнăранпа чапа тухрĕ темелле. Ялта пысăк хăвăртлăхлă интернета тухма май паракан вышка вырнаçтарни ял пурнăçне тĕпрен улăштарчĕ. Халĕ анаткассем Интернет ырлăхĕпе, мобильлĕ çыхăнупа пĕр чăрмавсăр усă кураççĕ, килтен тухмасăр Патшалăхăн пĕрлехи порталĕ урлă тĕрлĕ хутсемпе справкăсене илейреççĕ, тĕрлĕ тÿлевсене онлайн тÿлеççĕ. Çак ыйтупа яла час-часах чаплă хăнасем килнине хăнăхса çитрĕ ĕнтĕ ял халăхĕ. Акă ку хутĕнче 260 çын пурăнакан Анатакас ялне «РОССИЯ 24» федераллă канал операторĕсемпе журналисчĕсем килсе çитрĕç. Мускавран килнĕ журналистсен тĕллевĕ — ял халăхĕпе тĕл пулса ТЕЛЕ2 операторăн çыхăну пахалăхĕпе паллашасси, Интернетăн ырă енĕсене палăртасси пулчĕ.
/Тĕплĕнрех «Хĕрлĕ ялав» хаçатăн çитес номерĕнче/.
Э.МИХАЙЛОВА.
