Чăваш патшалăх оперăпа балет театрĕнче «Çулталăк предпринимателĕ-2021» конкурсăн пĕтĕмлетĕвĕ пулнă.
Асăннă конкурса республикăри бизнес-инкубатор тата ЧР Экономика аталанăвĕпе пурлăх хутшăнăвĕсен министерстви йĕркеленĕ. Унăн тĕллевĕ — Чăваш Республикинче предпринимательствăна аталантарма пулăшасси, чи лайăх предпринимательлĕх практикисене анлă сарасси, чи ăнăçлă вак тата вăтам предпринимательлĕх субъекчĕсене тупса палăртса хавхалантарасси тата ытти те. Палăртма кăмăллă, çак конкурсра «Çулталăкри социаллă тĕллевлĕ предприяти-2021» номинацинче Вăрмар районĕнчи «Общепит» тулли мар яваплă общество çĕнтерÿçĕ пулса тăнă. Унăн генеральнăй директорĕ — Марина Аркадьевна Сейфуллина. Саламлатпăр!
