Н.ИВАНОВА, Вăрмар район администрацийĕн вĕрентÿпе çамрăксен политикин управленийĕн начальникĕн заместителĕ: «Паян историллĕ пысăк пулăм тăван çĕршыв халăхĕн чун-чĕрине савăнăç кÿрет — Раççей составне çĕнĕ территорисем кĕнине çирĕплетсе килĕшÿсем çине алă пусассипе торжествăлла церемони иртрĕ. Донецк тата Луганск Халăх Республикисенче, Запорожск тата Херсон облаçĕсенче пурăнакансем тинех хаш сывласа яма пултараççĕ. Вĕсем хăйсен пуласлăхне хăйсемех пĕр саслăн пулса суйларĕç. Раççей Президенчĕ В.Путин та çавнах каларĕ. «4 çĕнĕ регион Раççей шутне кĕни миллионшар çынсен ирĕкĕпе пулать», — терĕ. Çапла халĕ çĕнĕ регионсемшĕн çĕнĕ пурнăç пуçланать, эпир вĕсене хапăл тусах йышăнатпăр, вĕсемшĕн чунтанах савăнатпăр».
