В.Федоров, район администрацийĕн информаци пайĕн начальникĕ: «Эпир хамăрăннисене пăрахмастпăр», - терĕ Раççей Федерацийĕн Президенчĕ В.Путин Мускаври Георгиевски залра Раççей территорине çĕнĕ 4 регион хутшăнни пирки килĕшÿ тума пухăннă халăх умĕнче. Тĕрĕс сăмахсем, манăн шухăшпа çак килĕшĕве 2014 çултах тунă пулсан татах та лайăхрах пулатчĕ пулĕ. Сентябрĕн 23-27- мĕшĕсенче Донбасс, Луганск Халăх Республикисенче тата Запорожск, Херсон облаçĕсенче пурăнакан халăхсем Раççей Федерацийĕн йышне кĕрес тесе ыйтнине тивĕçтернине тата вĕсен шухăшне уçăмлатнине ырласа йышăнатăп. Пирĕн халăх 8 çул Киеври террорла режимран хăраса пурăнни хыçа юлчĕ. Умра - çутă пуласлăх. Малалла пирĕн тăванла халăх хăйсен ачисене ача садне, шкула, сывату учрежденийĕсене ирĕккĕнех çÿретĕç. Хĕрÿ лару-тăрăва пула ишĕлсе пĕтнĕ социаллă объектсене те çĕнĕрен хăпартса лартĕç. Эпир те тăванла халăхпа пĕрле савăнатпăр».

Добавить комментарий